Jab aadat ho chali thi...

Jab aadat ho chali thi...

Jagi jagi raaton me
sisakti aahaton ki,

Sunsan kamre me
dari parchayi ki,

Anjaan bheed me
thami chuppi ki,

Khoyi galiyon me
goonjte kadmon ki,

Purane zakhmon me
sookhe aansuon ki,

Lal hoton me
unkahi baaton ki,

Khuli hawa me
quaid khushboo ki,

Band darwaze me
chupi zindagi ki,

Pariyon ki kahani me
gumshuda jadoo ki,

Do aur do ki ginti me
hamesha chaar aane ki,

Satrangi dhanak me
berang safedi ki,

Benakab chehre me
simte hue sharm ki,

Massom zindagi me
agwah hansi ki,

Jab aadat ho chali thi,


tab...